"Anong ibig sabihin nito Sierra? Bakit nandito si Drew?"
Sunod-sunod na tanong ni Ninong na ipinagtataka ko. Bakit kilala n'ya si Drew, hindi ko pa naman sinasabi sa kan'ya kung sino ito? At bakit parang pakiramdam ko ay hindi nito gusto ang pagmamagandang loob na paghatid sa akin. Baka kapag nalaman ni Ninong ang nangyari sa akin kanina ay labis pa s'yang magpasalamat dito.
Hindi ko alam kung anong nasa isip nito ngayon,pero ang kan'yang tingin sa amin ay madilim.
Si Drew naman ay bumaba ng motor n'ya at lumapit dito.
"Long time no see Uncle Darioz!" Pagbati sa kan'ya ni Drew at tama ba ang aking narinig na pamangkin n'ya si Drew.
"Anong ginagawa mo dito Drew?" Malamig na tanong pa ni Ninong sa kan'ya.
"Inihatid ko lang naman ang inaanak mo Uncle," kampanteng sagot ni Drew kay Ninon
