***Niva POV***
"NAKU, ang gaganda naman ng mga kulay nitong mga polong ito. Bet na bet ko! Salamat maganda kong pamangkin." Tuwang tuwang sambit ni Ante Val habang isa isang nilalapat sa katawan ang mga polong binili ko para sa kanya.
"You're welcome po, ante. Mabuti naman po at nagustuhan nyo." Sabi ko habang tinutupi ko ng maayos ang mga damit na binili ko na naman para kay Nanay Fely. Si Ante Val na ang bahalang magpadala nun kay Nanay Fely.
"Mukhang nakakaluwag luwag ka ngayon, ah. Kaya may pasalubong ka sa akin." Ani Ante Val.
"Medyo may ipon lang po, ante. Saka deserve nyo naman po ni Nanay Fely ang mga yan." Natatawang sabi ko.
"Salamat ulit. Eh, kamusta ka naman sa tinutuluyan mo ngayon?"
Nag iwas ako ng tingin at kunwaring abala sa mga damit na ipapadala kay Nanay Fely.
