Brianna Lyn Cameron
“Anak!”
Bigla akong nagulat sa tawag ni mommy sabay katok mula sa labas ng kwarto ko. Narito ako sa couch na tulala habang kalong si Bingo sa hita at hinihimas ito. Hindi na ako nagtangka na tumayo dahil alam ko naman na hindi naka-lock ang pinto.
Pumasok si mommy at seryosong nakatingin sa akin. Deretso siyang nagpunta dito sa couch at biglang nag-worry ang mukha nito hanggang sa makarating sa akin at tinabihan ako.
“Mom, uhmm…” hindi ko alam kung ano ang sasabihin ko.
Baka pagsabihan niya ako dahil malamang na alam na niya ang nangyari sa akin do’n sa contest. Malamang na si Gabriel din ang nagkwento. O nakita niya sa news. Nag-open ako ng social media at nakita ko na ang ilang post tungkol sa nangyari. Pero limited na ang mga content no’n. Iniisip ko kasi na g
