Bing Fernandez
“Hindi mo maalala, Lucio?” Malakas na tanong ni Ma’am Aubrey.
Napaatras na lang ako.
Mukhang naramdaman ni Ma’am Aubrey na natatakot ako. Bigla itong lumingon sa akin. Nakasimangot ito pero maganda pa rin. Bahagyang lumambot ang mukha nito at ngumiti sa akin nang magtama ang mga mata namin.
“Pasensya ka na, hija, hah? Pwede bang iwan mo muna kami?”
“Sige po… Kukuhanan ko po muna kayo ng maiinom.” Yumukod ako tanda ng paggalang at naglakad na papalayo.
“My beautiful mom… Ang aga-aga ay sesermon-an mo na naman ako. Hindi mo man lang ba ako na-miss?” Narinig ko pang pa-sweet na boses ni Sir Lucio nang nakatalikod na ako sa kanila.
“Tigilan mo ako sa pagpapa-cute mo, Lucio! Hindi ba sinabi ko na ingatan mo ang kinuha mo do’n sa batang iyon!?” sambit ni Ma’am Aubrey.
“Ba
