Pagdating ko sa Café ay nagulat ako dahil pumasok din doon si Ram. Nilingon ko siya bago hinanap ang kinaroroonan ni Zendie.
“What are you doing here?” taas ang kilay na tanong ko. Dati-rati kasi ay naghihintay lang siya sa sasakyan o kaya ay tatambay sa malapit na lugar. Ngayon lang siya sumunod sa akin kaya nagtaka ako.
“Magkakape, ma’am,” simple sagot niya at naupo na roon sa bakanteng lamesang medyo malapit sa gitna. Tiningala niya ako na tila naaaliw at ngumiti.
“Bipolar ka ba? Kanina lang nagsusungit ka, tapos ngayon nakangiti ka naman at parang nang-aasar?” hindi ko alam kung bakit ko pa ba siya pinagtutuunan ng pansin gayung nariyan lang sa paligid si Zendie. Naiirita kasi ako sa ikinikilos ni Ram kaya ganito.
“Café ito, ‘di ba, ma’am? Kaya puwede naman po sigurong magkape? Huw
