Noah
Naglalakad na ako papuntang hide-out namin. Di na ako nagkotse. Nalalakad lang rin naman. Lalo na't maraming pasikot sikot ang hide-out namin kaya kailangan talagang lakarin. Nakajacket ako at nakahoodie.
Paliko na ako at malapit na doon sa pasikot sikot na daan patungo sa hide-out namin nang may biglang bumangga sa akin. Sa sobrang lakas nun ay ako itong napahinto habang yung bumangga naman sa akin ay napasalampak sa sahig. Napadaing siya at hinawakan ang tuhod niyang dumudugo.
"Tanga." komento ko lalo na't isa itong babae. Tirik na tirik yung araw pero tumatakbo. Handa na ulit akong maglakad at balewalain nalang ang pambabangga niya sakin nang bigla niyang hinawakan ang isa kong paa. Napahinto ako at iritado siyang nilingon. Bumagsak ang tingin ko sa mga mata niyang puno ng pagma
