"Huwag na nating patagalin 'to, Morgana!" sigaw ni Atang sa nagngangalit na tono.
Nang lingunin niya para sabuyan nang lupang may bulong niya ang mga buto ng serpente ay nagulat pa siya dahil gumagalaw na uli ito at nabubuo!
Hindi niya pwedeng hayaan na mabuo uli ito sa tulong ng kapangyarihan ni Morgana dahil mahihirapan na siya kapag nagkataon!
Wala na siyang inksayang oras at sinabuyan ng lupa ang mga buto pero nagpakawala ng bugso ng hangin si Morgana kaya umalimbukay lang palayo ang lupang inihagis niya.
Binunot niya ang isang manika sa gilid ng suot at binulungan. Idinikit niya sa manika ang gamit ni Morgana na mayroon siya.
Pinitik niya ang tiyan nang manika. Tiningnan niya si Morgana subalit hindi ito tinablan. Nakangisi lang ito sa kanya. Nagagalit si Atang dahil imbes na
