Maruem
Nandito na naman kami sa isang silid. Hindi tulad sa nakaraang meeting hall ay marami kami. Dito ay mga nakahilera ang kwarto at nakalagay ang pangalan namin sa taas kaya alam namin kung saang kwarto kami papasok.
Ang silid na ito ay mayroong tatlong banyo at isang mesa. Kakapasok lang namin at agad kaming naupo. Pagod kaming tatlo at gusto nang kumain. Hindi man lang nila kami hinainan.
"Ano ang gagawin natin dito?" tanong ni Leus.
"Hindi ko alam, hintayin na lang muna natin ang anunsiyo," sagot naman sa kaniya ni Salome.
Nagpahinga kaming tatlo. Ang dalawa ay nagkukwentuhan ngunit hindi na ako nakisali pa. Ang gusto ko ay kumain, nagugutom na ako. Kapag nakabalik ako sa aming mundo ay kakain talaga ako ng marami. Magpapaluto ako kay ina ng masasarap na pagkain at hindi ako ma
