Maruem
Nang sugatan ko ang batok nitong halimaw ay agad iyon na naghilom. Nanlaki ang aking mata dahil nalapnos ang aking kamay, pati ang braso ko ay nadamay dahil nabahidan ito ng dugo ng halimaw. Mukhang may asido ang dugo nito, halata naman sa berde nitong kulay. Kailangan kong umisip ng paraan kung papaano ito mapapatay nang hindi ako ang nauuna.
"Ang halimaw na ito ay tinatawag na Centimeur. Isang klase ng halimaw na makamandag sa mundong ito, kilala naman sa ating mundo ang kalahating katawan nito bilang isang centipede. Ang dugo ng Centimeur ay parang asido na nakakalapnos at napakabilis ding maghilom. Kailangan mong humanap ng paraan kung paano mapapatay ang halimaw. Galingan mo, Haring Maruem."
Nang marinig ko ang anunsiyong iyon ay napasinghal ako. Iniintay muna nilang magsimu
