Umuwi ako at naghapunan kasama si Dustin habang iniisip lahat ng mga sinabi ni Callum sa akin kanina. Hindi mawala sa isip ko ang bawat salita niya. Parang umukilkil na ‘yon sa aking utak at hindi ko na makalimutan.
Napapansin na ni Dustin ang pagkakatulala ko pero hindi siya nagsasalita at inaabala ang sarili sa pag-asikaso sa anak ko.
“Baby, it’s already late. You should sleep now,” sambit ko nang mapansing 8:30 na at gising pa si Hestia. Nawiwiling makipaglaro kay Dustin.
“Latel, Mommy.” Napanguso ako sa sagot niya.
“No later, go upstairs and sleep now. It’s already late.” I said in a warning tone.
Mabilis siyang tumayo dahil sa narinig.
“Goodnight, Dada!” paalam niya kat Dustin at hinalikan pa ito sa pisngi bago lumapit sa akin at hinalikan din ako sa pisngi. “Goodnight, Mommy!”
