After two years…
ABALA si Ezrah at mga tauhan niya sa coffee shop. Ngayon kasi ang ika-dalawang-taon na anibersaryo ng coffee shop nila ni Cassius at kagaya noong isang –taon anibersaryo ay nagkaroon ng kasiyahan sa coffee shop at nagkaroon ng malaking discount ng kape at cake nila para sa mga customer na ibabahagi naman ng kikitain nila ngayong araw sa isang welfare na napili nilang dalawa ni Cassius.
Napangiti si Ezrah nang pumasok si Austine karga si Hezekiah na pangalawa nilang anak na lalake na isang-taong gulang na at hawak naman nito si Eckah na panganay nilang babae na kakadalawang-taon gulang pa lang.
Masaya sa pakiramdam na makita ang mag-aama niya at dahil abala siya sa coffee shop ay si Austine ang nag-aalaga ngayon sa dalawang anak nila. Isang-taon na ring huminto sa pagt
