SA bahay ni Mikaelle si Ezrah dumiretso dahil alam niyang susundan siya ni Austine at sa condo ni Cassius pupunta ang asawa. Ayaw na muna niya itong makausap at makita dahil paulit-ulit na lang ang sakit na nararamdaman niya dahil sa asawa.
“Oh, kumain na muna tayo nang hapunan,” alok ni Mikaelle sa kaniya saka nilagyan siya ng plato na may pagkain at nasa sala sila ngayon. “Dito na tayo sa sala kumain dahil tingin ko ay wala ka pa sa mood tumayo,” nakangiting sabi ni Mikaelle sa kaniya.
“Wala rin akong ganang kumain,” tugon niya.
“Hays! Huwag mong hayaang dalhin ka ng problemang pinagdadaanan mo o anuman iyang hinanakit mo. Kumain ka riyan,” tugon sa kaniya ni Mikaelle.
Napabuntonghininga si Ezrah at sinunod na lang ang sinabi ng dalaga saka kumain ng pagkain.
“Kahapon ang sabi mo
