Nagtungo ako kaagad sa kuwarto ko at dumiretso sa cr para makaligo na. Napagdesisyunan ko rin na labahan na kaagad ang suot kong damit.
May mali naman talaga ako sa nangyari kanina, inaamin ko iyon pero hindi naman kasi okay 'yong ginawa sa akin ni Danica. Dapat pinagsabihan na lang niya ako kaysa gawin niya pa ang ginawa niya sa akin... mukhang magkaaway na rin yata sila ngayon ni Sir Maxene dahil sa nangyari... pero bakit kay Danica siya galit at hindi sa akin? Nakakapagtataka lang.
Habang naliligo ako kinukuskos ko na rin ang puting damit ko na may icing at sinampay ko na muna sa cr pagkatapos ko. Agad nga akong bumaba pagkatapos kong maligo at dumiretso sa storage room para kuhanin ang mop dahil hindi ko pa nga nalilinis ang sahig kanina.
Mabilis kong pinunasan iyon, dahil tubig lan
