“Crush mo si Hayden?!”
Umakyat na yata ang lahat ng dugo ni Reyshan sa kanyang mukha matapos marinig ang sinabing iyon ni Leonora. Batid na rin niya na kababakasan na nang matinding pamumutla ang kanyang mukha ngayon dahil sa tanong na iyon. Pakiwari din niya ay tinakasan na siya ng sariling kaluluwa dahil doon. Halos hindi na rin niya magawang iangat ang mukha mula sa paglalagay ng English textbook sa loob ng kanyang bag. Tila rin naestatwa na siya mula sa kinatatayuan.
Ikaw ba naman! Hindi ka kaya makaramdam ng pagkapahiya sa sarili mo dahil nalaman ng mga kaibigan mo o ng ibang tao kung sino ang crush mo?
Siya pa naman iyong tipo ng tao na tahimik lang at walang lakas ng loob na magbahagi ng nararamdaman lalo na pagdating sa mga usaping crush. Ni hindi nga niya kahit kailan at kahit
