May pagtataka sa mukha ni Hayden nang huminto si Reyshan sa paglalakad ng ihatid niya ito sa paradahan ng mga tricycle ng tanghaling iyon.
“Bakit?” aniya nang mapansing inalis nito ang isang strap ng backpack sa balikat. “May nakalimutan ka ba?”
Hindi siya nito sinagot bagkus ay binuksan ang zipper ng bag at kinuha mula roon ang isang maliit na paper bag. Kagat ang labi, namumula ang mga pisngi at nahihiya na iniumang nito sa kanya iyon habang siya ay may pagtatanong sa mukha na nakatingin lang dito.
“Ano ‘yan?”
“‘Di ba sabi ko sa 'yo kahapon na may ibibigay ako sa ‘yo.”
Bumaba ang kanyang mga mata sa hawak nitong paper bag at wala sa loob na inabot naman agad iyon kasabay nang pag-alis nito sa kanyang harapan. Sumakay agad ito sa tricycle na hindi man lang nagpaalam sa kanya. Magtata
