CHAPTER 21 - Please
"ARE you cold?"
"I have a jacket at the backseat. You can use it."
"Haelynn."
Tanging singhal lang ang itinugon ko sa mga tanong ni Domino. Malalim siyang bumuntong hininga dahil sa ginawa ko.
Ano ba ang akala niya? Hindi porket pumayag na akong ihatid niya ako sa bahay ay babalik na kami sa dati. Napilitan lang ako!
Nang siguro matanto ni Domino na wala talaga akong balak na makipag-usap sa kanya, itinuon na lang niya ang buong atensiyon sa pagmamaneho. Pero bago 'yon ay napansin ko pa ang paghina niya sa aircon ng sasakyan dahilan para mabawasan ang lamig na nararamdaman ko.
Humalukipkip ako at bumaling sa bintana ng kotse. Sa buong byahe ay nakaganito lang ako, hindi na makapaghintay na dumating kami sa bahay. Hindi pa rin ako mapanatag dahil sa presensiya niy
