CHAPTER 15 - Closer
"THANK you, Doc."
Ngumiti ang doctor sa harapan ko. "No worries, Miss Lopez. Tandaan mo ang mga ibinilin ko sa 'yo."
"Yes, Doc."
Matapos ng naging huling pag-uusap na 'yon ay iniwan na rin ako ng doctor na siyang tumingin at nagtanggal ng arm cast ko.
"Nice, magaling ka na ulit," ani Xia na nasa tabi ko. Sinamahan ako ng kaibigan nang malamang ngayong araw naka-schedule ang pagtanggal ng arm cast.
"Buti na lang talaga," buntong hiningang sabi ko. Pakiramdam ko ay lumuwag na muli ang paghinga ko at naalis ang malaking kalbaryo sa akin. Naging malaking pahirap din sa akin ang arm cast na 'yon, lalo na sa tuwing pumapasok ako ng eskwela, maliligo, at magpapalit ng damit at kung ano-ano pa.
Bahagya akong napangiti nang maramdamang komportable ko na muling naigagalaw
