CHAPTER 54 - List
TAHIMIK akong nakatingala sa kisame ng kwarto habang malalim na nag-iisip. Matapos naming magtanghalian kanina ay inihatid na agad ako ni Zen sa kwarto ko at muling ikinulong. Kung palagi akong ganito, paano ko magagawa ang plano ko?
Kahit na ganoon ang nangyari kanina ay hindi pa rin ako pinanghihinaan ng loob. He can fake his allergy! Baka ginawa niya 'yon nang maramdaman ang plano ko na parang imposibleng mangyari. Masyado siyang matalas kung gano'n.
Napailing ako at malalim na bumuntong hininga. Naghahalo-halo na naman ang mga iniisip ko dahil sa nangyari. Pilit ko na lang yata pinapalakas ang loob para magpatuloy sa plano.
Naupo ako sa ibabaw ng kama nang matantong hindi dapat ako nakakulong lang dito. Hangga't maaari ay kailangang palaging nasa harapan ko si Ris
