Burning
"Sigurado ka bang papasok ka, Naiyah?" alalang-alala si Tita Edna sa'kin habang tinitignan akong sinusuot ang aking blazer para maibsan ang lamig na nararamdaman. "Tinatrangkaso ka pa," giit niya.
Pagkatapos kong magshower kagabi ay naramdaman ko ang panlalamig ko kahit na katamtaman lamang ang pinaghalong init at lamig sa loob ng aking silid.
Bumaba ako para uminom ng mainit gatas upang mainitan ang aking sikmura at katawan nang makita ako ni Tita Edna. Pinagluto niya ako ng instant corn and crab soup upang magkalaman ang aking tiyan bago niya ako pinainom ng gamot a dahilan kung bakit ako nakatulog ng maayos.
Sa tingin ko ay dahil lamang sa biglaang pagod na naramdaman ng aking katawan ang pinagmulan ng aking trangkaso at kapag tinulog ko ay mawawala rin, ngunit nang magising
