NAALIMPUNGATAN si Amber sa pagba-vibrate sa bandang ulunan niya. Nakapikit na kinapa niya ang cellphone niyang nasa loob ng bag niya. Ginawa nga pala niya iyong unan kanina.
Hmm. Ano na kayang oras? Malamang hindi pa siya nakakaisang oras ng tulog. Antok na antok pa kasi siya.
Idinilat niya ang isang mata at tiningnan ang caller niya. Si Marco, ang kaibigan niyang psychic. Ito ang pupuntahan niya mamayang hapon.
“Hello?”
“Hi, Amber! Natutulog ka ba? Nakaistorbo ba ako?”
“Hindi naman. Gising na rin naman ako.” Naghikab siya at pumikit siyang muli. Kailangan muna niyang magmuni-muni bago tuluyang magising.
“Anyway, agahan mo ang punta dito sa bahay. May pupuntahan kaming assignment. Isang opisina sa Mandaluyong ang minumulto.”
“Sige. Maaga pa naman. Itutuloy ko muna ang tulog ko.”
“F
