Kabanata 36
A T H E N A
Hindi ko na alam kung gaano kami katagal nakatayo lang duon ni Ares at parehong hindi nagsasalita. Pinapanuod niya lamang ako habang patuloy ako sa paghikbi. Alam ko nasaktan ko siya sa mga sinabi ko at parang gusto kong makonsensiya dahil duon. This is all my fault. Bakit ba kasi nagpunta pa ako sa party na ito kahit alam ko namang pag-aawayan lang namin ito ni Ares. Natatakot ako. Natatakot ako na baka hindi nanaman kami magpansinan pagkatapos ng gabing ito. Ayokong mangyari ulit 'yun. Hindi ko kayang hindi siya ulit kausapin ng matagal. Sana hindi na lang ako nagpunta dito para hindi na din nangyari ito.
Hindi ko alam kung paano niya nalaman na nandito ako at hindi ko din alam kung bakit napunta siya dito gayong ang alam ko ay magkasama silang dalawa ni Arian
