THUNDER
MASAYA akong hinanda ang pagkain namin ni Gail, isang simpleng ginisang kamatis sa itlog, piniritong tinapa at sinangag lamang ito. Mabuti na nga lang at maaga akong gumising para ihanda ang lahat ng 'to para sa dalaga.
Pinaghila ko siya ng upuan niya.
"Salamat," ani ni Gail sa akin.
"Kumain ka, para maging malakas ka na lalo," sabi ko sa kaniya.
"Oo nga e. Pero maayos naman na ako, pakiramdam ko magaling na ako."
Ngumiti lang ako sa kaniya. Hinila ko ang upuan paharap dito.
"Akala ko nga kagabi ako ang aalagaan mo, ikaw pala 'tong inalagaan ko," ani sa akin ni Gail.
Natawa na lamang ako sa totoong turan niya. Tama naman talaga ito, hindi ko naman akalaing magiging masama ang pakiramdam ko nagdaang gabi.
"Good thing na kasama kita," ani ko sa kaniya.
Binigay ko sa kaniy
