UMIIRAL ANG PAGKAPILYO
JAMILLAH POV.
NAPAPANSIN ko, mula nang dumating si Baby Girl sa buhay namin, tila nawalan na ng ganang lumabas si Ninong Ruins. Pero ayos lang naman sa akin, sa katunayan, masaya ako. Magkatulong kami sa pag-aalaga sa aming munting anghel, at iyon pa lang ay sapat na upang mapawi ang pagod sa bawat araw.
Wala akong ideya kung normal lang ba ang palagiang pag-iyak ni Baby tuwing gabi. Kaya halos gabi-gabi rin akong tumatawag sa aming pediatrician. Siguro nga ay nakukulitan na siya sa akin, pero wala siyang magawa kundi makinig.
Habang pinagmamasdan ko si Baby Janine Roice, hindi ko mapigilan ang mapangiti. Naalala ko ang bawat kirot, ang bawat sigaw, at ang halos ikamatay kong sakit nang iluwal ko siya. Ngunit ngayong nakikita ko ang kanyang maamong mukha, napagta
