“I'M HERE at the parking lot. I'll just wait for you here. We really need to talk.”
Abala sa pagpapakain si Soledad sa kaniyang lola nang matanggap niya ang mensaheng iyon mula sa gobernador. Ano naman kaya ang pag-uusapan nila at para bang nagmamadali ito mensaheng ipinadala sa kaniya? Nagawi ang kaniyang paningin sa kadarating lang noong si Julieth. Tulad ng ipinangako ng kaibigan, agad itong pumunta sa ospital upang magbantay. Umuwi lang ito saglit sa bahay at pagkatapos ay dumiretso na sa kaniyang lola. Talagang mahal na mahal din nito ang matanda base sa ipinapakita nito sa kanilang maglola.
Dahil doon, kinailangan niyang makiusap kay Julieth na ito muna ang magbantay habang kausap niya si Benjamin. Alam niyang malaki pa rin ang tampo sa kaniya ng kaibigan pero wala siyang magagawa
