HALOS isang linggo rin ang itinagal ng lola ni Soledad sa ospital. Hindi kasi ito gaanong ma-monitor sa public hospital ng Sta. Cecilia, kaya naman nagdesisyon si Governor Elizalde na ilipat ito sa ospital na alam nitong magagamot ang matanda. Hindi naman alam ni Soledad ang kaniyang itutugon sa naging alok sa kaniya ni Benjamin. Alam naman niyang hindi na dapat ginawa pa ng gobernador ang bagay na iyon pero wala na siyang nagawa noong ilipat ang kaniyang lola sa mas magandang ospital. Kahit naman siguro sino ay magpapasalamat sa ginawa ng gobernador pero hindi makatwiran ang kapalit ng lahat ng iyon para sa kaniya. Kaya lang, nagdulot din ng kalituhan sa kaniyang isipan ang ginawa sa kaniya ni Bejamin. Tingin kasi niya sa sarili ay mas lalo siyang nahuhulog sa gobernador.
“Kumusta ang l
