Iris
“Anong ginagawa niyong dalawa?!” Dumagundong ang malakas na boses ni Mr Craixon Buenavista ng makita niya kami ni Sebastian sa ganoong posisyon.
Hindi ko na inintindi ang nangyaring aksidente at mabilisang hinarap si Mr Buenavista na ngayon ay seryosong nakatitig sa amin. Mahina akong napamura at nagpaliwanag.
“Magpapali-" Naputol ang sasabihin ko ng muling sumigaw ang Ama ni Buenavista na ngayon ay nanliliksik ang matang nakatingin sa anak niya.
Sa kauna-unahang pagkakataon ay nakaramdam ako ng takot sa tanang buhay ko, dahil sa galit na boses ni Mr Buenavista ay nagpasya muna akong itikom ang bibig ko at yumuko.
“Magbihis ka muna, Sebastian,” bilin ni Mr Craixon at tumingin naman sa'kin ngayon. “Ms De Vega, sumunod ka muna sa asawa ko. Mag-uusap lang kami ng anak ko,” saad niya
