Matagal bago ako nakabawi mula sa pagkatulala dahil sa paghalik niyon ni Kingsley sa noo ko. Hindi ko tuloy alam ang magiging reaksyon at gagawin sa mga oras na iyon. Parang naririnig ko ang t***k ng puso ko dahil sa sobrang lakas nito. Ilang oras lang din ang naging tulog ko dahil sa pabalik-balik na pangyayaring iyon sa isip ko dahilan upang sumakit ng bahagya ang ulo ko.
Hindi ko na pinilit ang sariling matulog pa at bumangon na lamang mula sa pagkakahiga. Hawak ang ulong masakit ay lumabas ako ng kwarto at pumunta sa kusina. Namangha naman ako nang makarating doon at makita ang lahat ng mga gamit. Para namang nanghihinayang akong gamitin ang mga ito lalo pa't mamahalin at mukhang hindi pa nagagamit.
Lagpas isang oras din ang ikinatagal ko sa pagluluto bago ako natapos. Kasalukuyang
