Buong magdamag ay halos wala akong naging tulog. Pilit kong kinakalimutan ang lahat ng nangyari ngunit paulit-ulit naman itong bumabalik sa aking isip. Mas malala pa ang nangyari kagabi kumpara noong nakaraan. Hindi ko na nga alam kung may mukha pa ba akong ihaharap kay Kingsley pagkatapos ng lahat ng iyon.
Sinubukan kung umiwas pero wala ring nangyari dahil nga sa iisang bahay lang kami nakatira. Parati niya akong kinakausap lalo na kapag inihahatid niya ako sa trabaho o sinusundo man.
Pinilit ko na lamang na maging maayos at normal sa tuwing haharap at hindi pinapahalatang naapektuhan sa kanya nang sa gayon hindi niya mahalatang iniiwasan ko siya o kung ano pa man. Ganoon lang ang ginagawa ko sa mga sumunod na araw.
"Drew, hindi mo naman kailangang gawin 'to eh. Kaya ko namang magco
