Tama nga si Ivon. Napapansin ko rin na madalas nagpapalabas si Aryana pero ngayon ko lang nalaman na kinagigiliwan pa lang puntahan ng bata ang isang puno. Ewan ko ba pero may kutob ako. Katulad ko kaya ang anak ko? Na may nakikitang mga nilalang na hindi tao?
Umiling ako habang pinagmamasdan sina Aryana at Ivon na naglalaro sa labas ng templo. Ayoko munang isipin iyon nang bigla na lamang natulala si Aryana tanaw ang malayo at hindi nagtagal ay umiyak.
Pilit siyang pinatahan ni Ivon pero hindi tumitigil ang bata sa pag iyak. Hawak ang tungkod ay tumayo ako at naglakad papunta sa kanila.
"Anong nangyari? Bakit ka umiiyak, Anak?"
Lumapit siya sa akin. Magkahalong iyak at pilit niyang pagpapaliwanag sa dahilan ng pag iyak niya pero hindi ko maintindihan hanggang sa nagturo siya.
Sinund
