Maagang nakahanda si Lolo Pablo at si Garran. Maiiwan si Alec sa templo para samahan si Aviana. Hinatid nila kami sa labas ng templo kung saan naghihintay ang sasakyan naming karawahe. Hindi ko magawang tignan si Aviana. Nanghihina ang loob ko sa tuwing bumabalik sa isip ko na isasakripisyo niya ang buhay para sa mabuhay ang anak namin.
"Young master." Bahagyang lumapit sa akin si Alec para bumulong. "Nakabalik na ang inutusan ko para maghanap sa katuloy ng libro. Darating sa pagpupulong ang nilalang na may malalaman tungkol sa libro."
Bahagya akong tumango. Magandang pagkakataon iyon para makausap ko siya. "Sino siya? Anong pangalan?"
"Hindi pa tiyak ang katauhan niya pero nagmula siya sa lahi ng mga lobo." Magtatanong pa dapat ako kay Alec nang marinig ko si Lolo.
"Kailangan na natin
