Kahit na ordinaryong armas lang ang gamit ko ay dinala ko rin ang espada ni Ar'arus. Baka sakaling kailanganin ko ang lakas niya. May pangaba pa rin akong baka matulad na naman sa dati. Baka mabalot na naman ako ng kadiliman niya. Pero nitong mga nakaraang araw ay hindi ko siya nararamdaman. Naging malaking epekto sa kanya ang ginawa ni Lora.
At kahit may takot ako ay huli na para umatras. Ito na ang kailangan kong gawin para subukang tapusin ang problema kong ito.
"Wala ng atrasan," sabi ko.
Nagpatuloy kami sa pagtahak ng daan papasok sa gubat. Hindi na namin madaanan ang isang barrio kung saan dating may naninirahang mga mababait na nilalang dahil sa pagguho ng bundok. Bagamat may mga iilan pang nilalang doon ay nananatili lang silang nagmamasid sa gagawin namin. Pawang nga maliit na
