SA ISANG iglap nagliwanag ang paligid. Naging manhid ang katawan ko't naging payapa ang pandinig ko. Alam ko sa sarili na naangkin na ni Magnolia ang katawan ko. Animo'y lumabas ang kaluluwa ko sa sarili nitong lalagyanan. Nakikita ko ang aking sarili na humarap kay Datu Ramir. Sinalakay niya ang nakatalikod na si Datu Ramir dahilan upang pareho silang tumilapon sa malayo. Nilapitan ko ang katawan ni Archer, magpahanggang ngayon wala pa rin siyang malay. Sa muli kong pagbaling ng tingin kay Magnolia at Datu Ramir. Nag-umpisa na ang labanan na dati pa nila nasimulan.
"Minahal kita nang buong puso pero niloko mo lang ako." May diin sa bawat salitang binitawan ni Magnolia.
"Hindi mo maiintindihan. Wala kang alam." Depensa naman ni Datu Ramir.
"Iyan naman palagi ang palusot mo."
"Dahil
