Dinala ng binata si Georgia sa Lizzy’ Pizza, isang sikat na restaurant na mas kilala sa paghahanda ng iba't-ibang flavor ng pizza. Hindi siya makapaniwala habang nakatingin sa doktor na ngayon ay nakikipag-usap na sa isang magandang babae. Kung nakakamatay lang ang tingin niya ay kanina pa sana nakahandusay sa sahig ang lalaki.
Napaismid na lang si Georgia sa dalawang taong masayang nag-uusap. Nagpupuyos ang galit niya dahil sa nakikita. Hindi na siya nagdadalawang-isip na tapakan ang paa ni Vince at nagmamadaling pumasok sa loob. Wala siyang pakialam kung nasaktan niya ang doktor. Naiinis lang siya sa doktor dahil kung umasta na naman ay parang hindi na naman siya nito kasama.
Kaagad umupo si Georgia sa may pandalawahang upuan na mesa. Nang mapatingin sa loob ng restaurant ay napatanga
