Nakapangalumbaba si Georgia sa kaniyang mesa dahil hanggang ngayon ay hindi pa rin niya ma-contact si Vince. Dalawang araw na ang nagdaan pero wala pa rin. May problema ba ang nobyo niya kaya hindi nito magawang tawagan siya kahit text man lang?
Simula noong gabing nag-usap sila tungkol sa pag-aproba ng korte sa annulment nila Coleen ay hindi na niya ito ma-contact. Natatandaan niya na ang saya niya sa balitang natanggap niya. Hindi na siya nababahala ngayon tungkol sa kanilang dalawa. Ganoon pa man, hindi siya mapakali dahil hindi pa siya tinatawagan ng kasintahan pagkatapos ng pag-uusap na iyon.
"Oh Georgia, bakit ganiyan ang mukha mo? Para kang pinagbagsakan ng ten-wheeler truck?" Napatingin siya sa kaniyang kasamahan na si Rina na kasalukuyang may hinahanap sa drawer. Isa rin itong
