Lagpas alas dose na ng tanghali ng marating nila ang condominium building ni Martina. Ang dapat na four hours mahigit na biyahe nila ay lumagpas ng five hours dahil sa pagpapabagal niya ng takbo ng sasakyan nang makatulog ito na hanggang ngayon nga'y mahimbing pa rin natutulog sa passenger's side.
Idiniritso niya ang sasakyan sa parking space na itinuro ng gwardiya sa may entrace at nang matunton iyon ay maayos niyang ipinarada ang sasakyan at doon ay hinintay na maalimpungatan ang babae pero lumipas na ang ilang minuto ay nanatili pa rin ito sa pagkakasandal sa pinto ng sasakyan. Nang mapatay ang makina ay pinakiramdaman niya ulit kung magigising ba ang kasama pero muli, ilang minuto ang lumipas ay hindi ito kumilos. Nakasandal ito sa pagitan ng upuan at bintana at bahagya pang nakalung
