Irah Marie’s POV
Naningkit ang mata ni Rome nang muling magtama ang tingin namin sa isa’t-isa. Tuluyan na nakalapit ang mga bagong dating sa amin na ilang dipa lang ang layo.
Bigla akong nakaramadam ng takot. Sa laki ng Metro Manila at sa daming restaurant ay dito pa talaga kami magkikita. Patay na. Sinadya ko pa naman na hindi magsabi kay Rome na pupuntahan ko ang lugar na ito.
Hindi ko alam kung ano ang ikikilos ko. Tinangka ko na ibuka ang labi ko para magsalita at kunwari ay babatiin si Rome pero walang salitang lumabas mula sa akin.
Ibinaling ko ang tingin sa father-in-law ni Rome at nakita ko na matalim ang tingin ang ipinukol nito kay Vincenzo. Matapos ay inilipat ko ang tingin kay Millicent tila namumutla naman at nakakita ng multo sa gulat.
Napalunok ako nang mapansin ko na
