AUBREY' POV
Tatlong mahinang katok sa pinto ang narinig ko.
“Come in!” wika ko, sapat na para marinig mula ng nasa labas ng pinto. Pumasok at lumapit si Rachelle na may dalang paperbag.
“Pinabibigay po ni Sir Lucas, Ma’am Aubrey. Sana raw po ay magustuhan niyo.” Kinikilig na wika ni Rachelle.
Ibinaba ni Rachelle ang dala nitong starbucks coffee at paperbag na agad kong binuksan. Laman ang sandwich na nasa loob ng isang transparent na tupperware, merong nakadikit na sticky note sa ibabaw ng tupperware “Love, I personally made this sandwich for you, hope you like it.” Nakagat ko ang ibabang labi para pigilan ang ngiti. Nakakahiya kay Rachelle kung makita akong kinikilig.
“Ma’am, bagay na bagay po kayo ni Sir Lucas” Alam kong napapansin ni Rachelle ang panliligaw ni Lucas sa akin. Ito na
