Kabanata 24
S C A R L E T T
"Ang ganda! Parang nakita ko na 'to sa isang palabas," natutuwang sabi ko nang dalhin ako ni Sander sa isa sa mga tourist spot daw dito sa Paris. Pansin ko nga mukhang maraming turistang narito ngayon at nagpipicture-picture. Parang gusto ko rin tuloy magpapicture kay Sander kaya lang nahihiya ako. Sinamahan na nga niya akong mamasyal siya pa ang pakukuhanin ko ng litrato ko.
"That's the famous Eiffel Tower of Paris kaya malamang nakita mo na nga 'yan somewhere," aniya habang nakatanaw sa tower. Nang lumingon siya sa akin ay agad kumunot ang nuo niya. Nakita niya kasing pilit kong kinukuhanan ang sarili ko habang nasa likod ko ang sikat na tower. Hindi ko na alam kung anong pangalan noon kahit kakasabi lang ni Sander. Basta may tower iyon na yun. Ang hirap ka
