PAGDATING nila Fay sa Juan Calixto General Hospital ay naipasok na kaagad si Silas sa ICU, ang sabi sa kanila ni Zev ay kailangan pang bantayan ang lagay ng anak nila hanggang sa magkamalay na ito.
Tahimik lang silang nakamasid ni Storm sa anak sa napakalaking glass panel na nakapagitan sa kanila. Mula roon ay kitang-kita nila na napakaraming aparatong nakakabit sa katawan nito. Naka-monitor pa rin ang pulse rate at oxygen level nito.
“Huwag ka nang masyadong mag-alala dahil sigurado akong magigising din siya. Sa ‘kin nagmana ‘yan, eh, kaya alam ko hindi siya susuko,” pagpapalakas naman ni Storm ng loob niya habang tinatapik ang balikat niya. Kahit pa nga nararamdaman niyang nag-aalala pa rin ito.
“Hindi ko lang magawang mapanatag hangga’t hindi siya nagigising. Hindi ko alam na dahil s
