NANG matapos nilang mag-usap ng Mama niya ay magkahawak kamay silang pinuntahan si Storm at ang ama nito na siyang kasalukuyang bantay ng mga bata.
“Silas, Iera, meet your Lola Kendra,” nakangiting wika niya sa mga anak habang hawak pa rin ang kamay ng ina.
Masaya namang niyakap ito ng dalawang bata. Nagpapasalamat na nga lang din siya dahil hindi naman gano’n nangingilala ang kambal, siguro ay dahil lumaki ang mga ito na walang sino mang kasama kaya ganoong sabik ang mga ito sa tao.
Mahigpit na niyakap ng Mama niya ang dalawang bata, at parang biglang nawala ang lungkot na nakita niya sa mga mata nito kanina.
“Yoyaa…” malambing na tawag ni Iera sa Mama niya at parang gusto rin niyang maiyak. Ngayon lang din kasi niya na-realize na masarap pala talagang may mga kasamang nagmamalasakit
