KINABUKASAN kahit pa nga medyo masama ang pakiramdam ni Fay ay pinilit pa rin niyang bumangon para pumasok. Pagdating niya roon ay sa kaniya nakatingin ang lahat ng kasamahan niya at mas masama ang tingin sa kaniya ni Lucas kaya naman nagtataka siya pero hindi rin niya maiwasan ang kabahan.
“Ano ‘tong ginawa mo na ‘to, Fay?” galit na tanong sa kaniya ni Lucas kaya mas lalong nagsalubong ang kilay niya.
“Ano po bang nangyari?” nagtatakang namang tanong niya.
“Ito!” sabay pakita sa kaniya ng isang video. “This was an official complain about you!” galit na wika pa nito habang pinapanood niya ang video, isang babae ang nasa video kausap ni Lucas at hindi niya alam kung sino ang kumuha ng video na iyon. Pero malinaw na malinaw sa video na sa kaniyang ang complain na iyon dahil binanggit nito
