“When you're weary and in pain, all you have to do is pray. Trust Him and He'll do the rest.”
Geraldine
MULING TUMIGIL ang kotse ni Dexter sa harap ng isang kapilya. Hindi iyon kalakihan ngunit maganda at malinis. May maliit na garden pa sa gilid niyon.
Ano naman kayang gagawin namin dito?
Bumaba kami sa kotse at pumasok sa loob ng kapilya. Sinalubong kami ng isang lalaki.
"Pastor!" bati ni Dexter sa lalaki. Napatingin ako sa lalaki. Hindi kasi ito nakapormal kundi nakapambahay lang kaya't inakala kong katiwala lang sa lugar na iyon.
Nakangiti iyon nang salubungin kami.
"Hijo, ngayon ka lang ulit napasyal dito, ah,” tuwang-tuwang sabi niyon nang makalapit sa amin. Nagmano si Dexter. Siyempre, nakigaya na rin ako. Baka isipin kasi nitong lalaking ito wala akong ga
