- hindi masamang umasa kung alam mo sa sarili mong mahal ka pa niya.
Geraldine
"Dexter... Dexter..."
Hindi pa rin ako tumitigil sa pag-usal sa pangalan niya. Ang sakit alalahanin ng mga masasayang alaala namin. Masaya sanang alalahanin kung okay kami pero kabaligtaran ang sitwasyon namin ngayon.
Hindi pa rin ako umaalis sa kinauupuan ko. Hindi ko alam kung ilang oras na akong nakayukyok sa labas ng pintuan ng bahay ni Dexter.
Hinihintay ko siya na muli akong harapin ngunit mukhang imposible iyon. Napakataas ng pride ni Dexter at alam kong sobrang galit ang nararamdaman niya ngayon para sa akin.
Galit sa nakita niyang pakikipaghalikan ko daw sa ex-boyfriend ko. Pero hindi ko ginusto iyon. Paano niya ako papaniwalaan? Paano niya ako pakikinggan? Sarado ang isip niya da
