ALAS tres na ng madaling araw pero hindi pa rin nakakatulog si Sari. Hindi na yata niya magagawa. Naggising ang anak niya pagkatapos ng limang oras na diretso na tulog. Nagsimula itong magligalig sa hindi niya maintindihan na dahilan. Isang oras na itong paputol-putol na umiiyak. Hindi niya makuha ang gusto nito.
Inaantok at pagod na si Sari. Aminado rin naman siya na may mali siya. Dapat noong natutulog si MM ay natulog rin siya. Pinilit naman niya. Pero hindi niya maggawa. Hindi siya mapakali. Inaalala niya si Mikhail.
Hindi nakapagpaliwanag si Sari kay Mikhail. Hindi niya naamin ang lahat rito dahil hindi siya nito binigyan ng pagkakataon. Mabilis na nagpaalam ito sa kanya na kailangan nitong umalis---ang dahilan daw kung bakit naka-formal suit ito. Sinubukan niyang pigilan ito pero n
