"DALI NA, TIKMAN MO NA KASI, BAKS!"
Patagilid na sumulyap sa akin si Arsi, pagkatapos ay umirap. "Sandali lang naman, mainit kaya!"
Napabungisngis ako. Nilingon ko si Thirdy na nakaupo sa harapan namin at kagaya ko ay naghihintay din ng kung ano ang magiging reaksyon ng kaibigan ko sa lasa ng kaka-bake ko pa lamang na cookies.
Excited na rin ang anak ko na matikman iyon ngunit ang sabi ko ay ang Tito Arsi niya muna ang unang titikim para kung sakali at palpak na naman ay hindi masira ang tiyan niya.
Umani iyon ng isang matalim na irap mula sa huli.
Nasa huling trimester na ako ng pagbubuntis ko kaya naman tumigil na akong muli sa pagtuturo. Lately kasi ay mas madali na akong mapagod. Pandalas na rin ang pananakit ng balakang ko kapag natatagalan ako sa pagtayo. Gayon din ay medyo duma
