ISLA
NANG MAKABALIK KAMI MULA SA RESORT ay ipinasya namin ni Dos na mauna na munang tumuloy sa apartment na inuupahan namin ni Arsi, bago pa bumalik sa burol ng mommy nito.
Alam ko na naroon pa ang mga ito sapagkat ka-text ko si Biboy habang daan namin pauwi. Kanina pa raw panay ang pa-text ng nanay ko sa akin. Kulit din daw nang kulit kung nagka-usap na raw ba kami nito.
Balak daw ni Nanay na bumalik sa burol, at sa pagkakataong ito ay kasama na nito sina Biboy at Arsi. Noon kasing huling manggaling ito roon ay kami lamang dalawa ang nagpunta.
Sinabi ko nga na sabihin, na malapit na kami kaya maghintay na lang sila.
Sinabi niya na raw, pero kulit pa rin daw ng kulit sa kanya.
Napailing na lamang ako. Baka kasalanan ko rin.
Kanina kasi, nang huli ko itong makausap ay sinabi ko rito
