"Hestia.." bigkas ni Danica sa kaniyang pangalan.
Hindi akalain ni Hestia na matapos ang ilang taon ay makikita niya ulit ang dating kaibigan. Kaibigan na naging dahilan din ng kaniyang paghihirap ngayon. Aaminin niya, hindi madaling kalimutan ang nakaraan. Na makalimutan ang mga bagay na ginawa nito sa kaniya na siyang ikinagalit din ni Raven. Pero ngayon na kaharap niya ito hindi niya inaasahan na wala siyang galit na mararamdaman. Siguro ay dahil na rin sa nagdaang panahon, at hindi niya pagtatanim ng galit kay Danica. Madalas niyang isipin noon na sana nga makasalubong niya ito. Na sana nga ay bigyan siya ng pagkakataon na makausap ito.
At ngayon, na makita ito ulit. At malaman pa na si Danica ang nakakita sa kaniyang asawa ay hindi niya napigilan ang kaniyang mga luha at kaagad na
