"Grabe, ang itim ko na," narinig kong reklamo ni Jj nakasunod sa likod ko. Kasalukuyan kaming naglalakad pabalik ng hotel. Mabuti na lang at may dala kaming lahat na pamalit kaya nagpalit na kami while we're on board. Para iwas daw pulmonya sabi ni Papa.
Hindi ko din tuloy maiwasan na tignan ang sarili ko at mapansin na nangitim nga din ako. Nag-island hopping kasi kami at medyo napasarap sa paglangoy. "Ang daya naman," asar na sabi ko sa isip nang matignan ko ang balat ni Gray at napansin na namumula lang siya at hindi umitim.
"What?" kunot-noong tanong niya at sinundan ng tingin ang tinitignan ko. "Genes," kibit-balikat na sabi niya at tinuon na ang pansin sa paglalakad.
"Anong oras pala tayo mamaya, Gray?" tanong ni Papa bago kami tuluyang makapasok ng s
