Mabilis na lumipas ang mga araw at natanggal na rin ang benda sa braso ni Jared. At nang araw na iyon, nakapunta na rin kami sa munisipyo para sa civil wedding namin. Nagpalusot na lang si Jared na gusto niya ring makasal kami sa Pilipinas kaya kami ulit nagpakasal sa munisipyo. Hindi na rin kami naghanda para hindi na rin sila magduda dahil kami lang din dalawa ni Jared ang pumunta at ang kamag anak na lang din niya na nandoon ang nagsilbing witness namin. Hindi ko maipaliwanag ang nararamdaman ko noon. Para kasing napasubo ako na hindi ko maintindihan.
Umamin na sa akin ng feelings si Jared at parang ganoon na rin ako sa kanya. Tapos ngayon, eto, nagpakasal kami ng totoo sa munisipyo. Ano na ang lagay namin? Totoo na bang mag-asawa kami? Hay, ang daming gumugulo sa isip ko. Tama ba '
