Nagday tour kami pagdating ng mga magulang namin at ni baby Andy. Crocodile farm, Baker’s hill na may mga nakakatuwang garden settings at displays. Nagpunta rin kami sa butterfly garden na may malaki at maliit na paru-paro na makukulay.
Kumain kami sa mga sikat na restaurant doon at mukhang nag-enjoy ang lahat sa pamamasyal.
“Saan ka nakabili ng mga basket Seline”? usisa ng aking byenan.
“Sa palengke po. Punta tayo before tayo umuwi sa atin,” anyaya ko sa kanila ni mommy.
“Sige, gusto ko ring bumili tsaka gusto ko ng bag na native,” saad pa rin ng mommy ni Andrew
“Ako din balae, gusto ko rin ng native na bag at basket.”
“Ano naman ang gagawin ninyo sa basket? Dagdag bitbitin lang natin yun pauwi,” kontra naman ang daddy ni Andrew sa dalawang babae.
“Bakit ba? Hindi naman ikaw ang ma
